भारतमा बढेको अत्यधिक गर्मीले दर्जनौँ मानिसको मृत्यु

 भारतमा बढेको अत्यधिक गर्मीले दर्जनौँ मानिसको मृत्यु भएको छ । करिब २५ हजार मानिस लु लागेर बिरामी भएका छन् । मार्चदेखि देशभरि फैलिएको गर्मीको लहरका कारण हजारौँ मानिसलाई लु लागेको सरकारी तथ्यांकलाई उदृत गर्दै अन्तर्राष्ट्रिय सञ्चारमाध्यमले जनाएका छन् । त्यहाँ उत्तर प्रदेश, बिहार र ओडिशा राज्यमा भर्खरै सम्पन्न आम निर्वाचनमा ड्युटीमा खटेका निर्वाचन अधिकारीसहित कम्तीमा ३३ जनाको मृत्यु भएको थियो । मे महिना मात्रै राजधानी नयाँ दिल्ली र राजस्थानमा तापक्रम ५० डिग्री सेल्सियससम्म पुगेको थियो । यसैबीच, भारतका उत्तर पूर्वी राज्य आसाममा भारी वर्षाका कारण १४ जनाको मृत्यु भएको छ ।