(संसारका १७५ देशमा पढिने, फोहोरी राजनीति
र छाडापनबाट
पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20111021

कथित "राम्रो" भनी प्रचारित प्रधानमन्त्रीद्वारा भारतसँग अर्को राष्ट्रघाती सम्झौता, "भारतीय दलाल नै हुन बाबुराम भट्टराई" भन्ने पुस्टी, नेपालले जोड दिएको सम्झौतामा हस्ताक्षर हुन सकेन !

भारतले आखिर बाबुरामलाई पनि किनी छाड्यो !
नेपाल र भारतबीच लगानी प्रवद्र्धन एवं सुरक्षा सम्बन्धी (बीपा) राष्ट्रघाती सम्झौतामा हस्ताक्षर भएको छ । सम्झौतासँगै भारतीय उद्योग बन्द भए नेपालले क्षतिपूर्ति दिनुपर्नेछ । प्रधानमन्त्री डा. बाबुराम भट्टराई र भारतीय प्रधानमन्त्री डा. मनमोहन सिंहबीच शुक्रबार बेलुका भएको भेटवार्ता पछि बीपा सम्झौतामा हस्ताक्षर भएको हो । बिपा सम्झौता अनुसार गैर व्यवसायिक कारणले नेपालमा भारतीय लगानीका कुनै पनि उद्योग बन्द भएमा नेपाल सरकारले क्षति पूर्ति दिनुपर्नेछ तर गैर व्यवसायिक बन्दको स्पष्ट परिभाषा उल्लेख छैन । यस्तै राष्ट्रपतिको भारत भ्रमणका क्रममा घोषणा गरिएको २५ करोड डलर (
करिव १९ अर्ब रुपैयाँ) सहुलियत दरको ऋण सम्बन्धी र गलगाँड नियन्त्रणका लागि आयोडिनयुक्त नुनको प्रर्वद्धनसम्बन्धी सम्झौतामा पनि हस्ताक्षर भएको छ । नेपालले जोड दिएको दोहोरो कर नलाग्ने सम्बन्धी सम्झौतामा भने हस्ताक्षर हुन सकेन । भारत सरकारले चासो नदेखाएपछि दोहोरो कर नलाग्नेसम्बन्धी सम्झौतामा हस्ताक्षर हुन नसकेको हो । यसअघि सम्झौताका लागि दुबै पक्षको प्रशासनिक तहमा सहमति भएपनि भारतले अन्तिम समयमा गृहकार्य नपुगेको भन्दै सम्झौतामा हस्ताक्षर गर्न अस्वीकार गरेको श्रोतले जनाएको छ । बीपा सम्झौता राष्ट्रिय हित बिपरित हुने भन्दै माओवादी र एमालेका नेताले आजै सम्झौता हुनुअघि विरोध समेत गरेका थिए ।

संविधान निर्माणमा पूर्ण सहयोग
]भारतले नेपालको शान्ति र संविधान निर्माणमा सक्दो सहयोग गर्ने प्रतिवद्धता जनाएको छ । भारतले डा. बाबुराम भट्टराई नेतृत्वको सरकारलाई आवश्यक पर्ने जुनसुकै सहयोग गर्न तयार रहेको प्रतिवद्धता समेत जनाएको छ । प्रधानमन्त्री बाबुराम भट्टराई र भारतीय समकक्षी मनमोहन सिंहबीच हैदराबाद हाउसमा भएको भेटवार्तामा भारतीय प्रधानमन्त्री सिंहले यस्तो प्रतिवद्धता जनाउनु भएको हो । भेटमा प्रधानमन्त्री भट्टराईले नेपालमा भारत विरोधी गतिविधि हुन नदिने प्रतिवद्धता जनाउनुभएको थियो । सीमा क्षेत्रमा हुने आपराधिक गतिविधि नियन्त्रण गर्न दुबै देशले चासो दिनु पर्नेमा दुवै देशका प्रधानमन्त्री सहमत भएका छन् ।
हैदरावाद हाउसमा दुई प्रधानमन्त्रीबीच झण्डै २० मिनेट भेटवार्ता भएको थियो ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक