(संसारका १७५ देशमा पढिने, फोहोरी राजनीति
र छाडापनबाट
पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20120310

छैटौं अन्तर्राष्ट्रिय लोक साँस्कृतिक मेलाको क्रममा नेपाल सहित १३ देशका कलाकारहरु शनिबारदेखि काठमाडौंको प्रज्ञा भवनमा भेला

नेपाल सहित १३ देशका कलाकारहरु शनिबारदेखि काठमाडौंको प्रज्ञा भवनमा भेला भएका छन् । तीन सय ५० भन्दा बढी कलाकार जमघट रहेको यो भेला आउँदो चैत ५ गतेसम्म चल्नेछ । छैटौं अन्तर्राष्ट्रिय लोक साँस्कृतिक मेलाको क्रममा कलाकारहरुको जमघट भएको हो । कार्यक्रमको आयोजना चाहिं एभरेष्ट नेपाल कल्चरल ग्रुपले गरेको छ । ‘भारत, बंगलादेश, श्रीलंका, इस्टोनिया, घाना, फिनल्याण्ड, ईटली, लिथुआनिया, मेक्सिको, पोल्याण्ड, ग्रीस र टोगोको टोली मेलामा सहभागी छन्’ मेला संयोजक रामचन्द्र कोइरालाले भन्नुभयो । मेला राजधानीमा मात्रै नभएर मोफसलमा पनि गर्ने तयारी छ । आयोजकका अनुसार शनिबार राजधानीमा उद्घाटन सकेपछि कलाकारको टोली आइतबार लुम्बिनी पुग्नेछ । आइतबार लुम्बिनीमा कार्यक्रम गरेर सोमबारदेखि बुटवल, दाङ र पोखरामा कार्यक्रम गरिने कोइरालाले जानकारी दिनुभयो । ‘नेपालको धार्मिक तथा ऐतिहासिक ठाउँहरुको प्रचारप्रसार गरी पर्यटन प्रवर्द्धन र लोकसंस्कृतिको संरक्षण गर्ने उदेश्यले कार्यक्रम आयोजना गरिएको हो’ कोइरालाले भन्नुभयो ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक