(संसारका १७५ देशमा पढिने, फोहोरी राजनीति
र छाडापनबाट
पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20120322

राजधानी काठमाडौं मा विहीवार एक महिलालाई बोक्सीको आरोपमा निर्घात कुटपिट, कुटपिटबाट पुडासैनीको दुवै आँखाको चोट !

राजधानी काठमाडौंको जोरपाटी नयाँबस्तीमा विहीवार एक महिलालाई बोक्सीको आरोपमा निर्घात कुटपिट भएको छ । गोठाटारमा बस्ने ३६ बर्षिया सुनिता पुडासैनीलाई बोक्सीको आरोप लगाएर कुटपिट भएको हो । पुडासैनीलाई जोरपाटी नयाबस्तीमा पुडासैनीकै सानीआमाको घरमा गएको बेला कुटपिट भएको हो । कुटपिटबाट पुडासैनीको दुवै आँखाको चोट लागेको छ । उहाँको अहिले तिलगंगा अस्पतालमा उपचार भइरहेको प्रहरीले जनाएको छ । बोक्सीको आरोपमा कुटपिट गर्दै आँखा फुटाउन पछि नपर्ने ६ जनालाई पक्राउ गरिएको प्रहरीले जनाएको छ । कुटपिटमा संलग्न काभ्रे घर भई हाल काठमाडौं जैशी देवल बस्ने ३५ बर्षिय ज्ञानेन्द्र दाहाल, ज्ञानेन्द्र दाहालकी श्रीमती २६ बर्षिया तारा दाहाललाई प्रहरीले पक्रेको छ । यस्तै जोरपाटी गा.वि.स वडा नंम्वर २ नयावस्ती बस्ने २८ बर्षिय दिलिप तिमिल्सीना उनकी श्रीमती २७ बर्षिया सिता तिमिल्सिना, काभ्रे दाप्चा घर हुने ६५ बर्षिय भवानीशंकर गौतम र जोरपाटी २ बस्ने २० बर्षिया मन्दिरा दाहाललाई प्रहरीले पक्रेको हो । सबैलाई थाहा भएकै कुरा हो काठमाडौं देशको राजधानी मात्रै होइन, मूख्य प्रशासनिक केन्द्रदेखि देशको मुल कानुन निर्माण हुने ठाउँ हो । कानुनमा कसैलाई पनि बोक्सीको आरोप लगाउन पाइदैन । कुसंस्कार नै भन्नु पर्छ, काठमाडौं बाहिरका जिल्लामा अझै पनि बोक्सीको आरोपमा कुटपिट हुने गरेको छ । चितवनमा ढेगनीदवी महतोलाई बोक्सीको आरोप लगाएर जिउँदै जलाइएको थियो । त्यसबेला महिला अधिकारकर्मीले बोक्सीको आरोप लगाएर जिउँदै जलाउनेलाई कारवाही गर्न नारावाजी गरेका थिए । चितवनको यो घटना सेलाउन नपाउँदै देशको मुल कानुन निर्माण हुने ठाउँ काठमाडौंमा बोक्सीको आरोपमा पुडासैनीको आँखा फुटाउने प्रयास भएको हो ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक