(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20120713

पुर्वराजा ज्ञानेन्द्र डेढ साता लामो युरोप भ्रमणमा


आफु राजाकै हैसियतमा बस्ने तर राजनीती नगर्ने अभिब्यक्ती दिएपछि चर्चामा आउनुभएक पुर्वराजा ज्ञानेन्द्र परिवार डेढ साता लामो युरोप भ्रमणमा जानुहुने भएको छ ।नारायणहिटी दरवार छाडेपछि पहिलोपटक युरोप भ्रमणमा जानलाग्नुभएका पुर्वराजा र उहाको परिवारले यसअघि भारत बाहेक अन्य देशको भ्रमण गरेको थिएन । ०६५ जेठमा नरायणहिटी दरवार छाडेपछि उहाले चारपटक भारत भ्रमण गरिसक्नु भएके छ ।  यही साउन १ गतेदेखि युरोप भ्रमणमा निस्कन लाग्नुभएका पुर्वराजाको परिवारले बेलायत, फ्रान्स र जर्मनी लगायत मुलुकको भ्रमण गर्नेछ । पुर्वराजाले त्यहाका विशिष्ट व्यक्तीसंग भेट्ने कार्यक्रम रहको छ । हिमानी ट्रष्टको कार्यक्रममा सहभागि हुन भनी त्यसतर्फ जान लाग्नु भएका पुर्वराजाको साथमा पुर्व रानी कोमल, छोरी प्रेरणा, हिमानी ट्रष्टका अध्यक्ष पुर्व युवराज्ञी हिमानी शाह र उहाका दुई छोरी र छोरा हृदयेन्द्र, धिरेन्द्रकी तीन छोरी सहितको करिब एक दर्जनको टोली विदेश भ्रमणमा जाने हुनुभएके सा्रेतले जनाएको छ । पुर्वराजा
ज्ञानेन्द्र ट्रष्टका संरक्षक हुनुहुन्छ ।

भ्रमण टोलीमा पुर्वराजाका निजी सचिव सागर तिमल्सिना, दुईजना शाही अर्दली, पुर्व रानी कोमलका एक सहयोगी, हिमानी र उहाका सहयोगी, एक निजी चिकित्सक, शसस्त्र प्रहरीका एक जना डिएसपी र एक प्रहरी निरीक्षक सहभागी हुने भएक छन् । त्यसैगरी भ्रमण कार्यक्रमको बारेमा हालसम्म कुनै जानकारी नआएके भनेतापनि पुर्वराजाले फ्रान्स, बेलायत र जर्मनीका उच्च अधिकारीसंग भेटघाट गर्नुहुने कार्यक्रम रहेको सा्रेतले जनाएको छ । सो अवसरकामा पुर्व रानी कोमलको स्वाथ्य उपचार समेत गरिने भएके छ । दरवार हत्याकाण्डमा कोमललाई गोलीको छर्रा लागेको थियो । उहाको वेलायतमा उपचार गराइने भएको छ । भ्रमणको सम्पुर्ण तयारी पूरा भैसकेको जनाउदै सा्रेतले भन्यो —डेढ साता भनिएतापनि थप कतिदिन बस्ने भन्ने विषयमा उतै पुगेर निर्णय गरिने भएको छ ।
हिमानी ट्रष्टको कार्यक्रममा सहभागि हुन जानलागेका पुर्वराजा र उहाको परिवारले विदेशमा रहेका नेपालीहरुलाई पनि भेट्ने कार्यक्रम रहेको स्रोतले जानकारी दियो । विदेश भ्रमण लगत्तै पुर्वराजा ज्ञानेन्द्रले पुर्वाञ्चलको झापा र पश्चिमाञ्चलको पोखराको भ्रमण गर्नुहुने कार्यक्रम रहेको छ । स्थानीय स्तरका राजावादीले विभिन्न स्थानबाट निम्तो दिएपछि उहाले भ्रमणको चाजोपाजो मिलाउन लाग्नुभएको स्रोतले जनाएके छ । तर पछिल्लो समयमा रुपन्देही ,कपिलवस्तु र नवलपरासी भ्रमणको क्रममा पूर्वराजाले दिएको अभिव्यक्तीप्रति दलले विरोध गरिरहेको अवस्थामा तत््काल भ्रमण गर्ने कि नगर्ने भन्नु विषयमा केही निर्णय हुन सकेको छैन । दरवारले भने भ्रमण गर्ने स्थानका स्थानीय राजावादीहरुसंग विमर्श गरिरहेको छ

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक