लागूपदार्थ कारोबारको अभियोगमा परेर नौ बर्षदेखि मलेशियाको कारागारमा रहेका नुवाकोट, बसुन्चेत-१ का हरिबहादुर घलेलाई मृत्युदण्ड दिनेबारेको उच्च अदालतको फैसलालाई क्वालालाम्पुर सर्वोच्च अदालतले पनि सदर गरेको छ ।
मंगलबार बिहान भएको अदालती निर्णयले
‘घलेको बचाउमा गरिएको आवेदन’ खारेज गर्दै पुरानै मृत्युदण्ड फैसलालाई सदर
गरेको हो । मलेशियामा लागूऔषध कारोबार गरेको अभियोगमा २००३ मे ३० मा घले
पक्राउ परेका थिए । क्वालालाम्पुरस्थित नेपाली दुतावासले जारी
गरेको विज्ञप्ती अनुसार मलेशियामा तीन वर्ष काम गरी घर फिर्ने क्रममा र
होटेलको कोठामा बसिरहेकै बेला घले पक्राउ परेका थिए । घलेले अर्का चिनारु
कामदार गणेश तामाङको आग्रहमा एउटा झोला बोकेका थिए । त्यही झोला खानतलासी
गर्ने त्रत्रममा ८सय७५ ग्राम हिरोइन फेला परेको आधारमा प्रहरीले घलेलाई
पक्राउ गरेको थियो । उक्त घटनामा मुख्य व्यक्ति मानिएका झोला
मालिक गणेश तामाङ्ग
भने घटना हुनु पूर्वै फरार भइसकेको दुतावासलाई जानकारी
भएको थियो । घलेसँगै पक्राउ परेका साजन गुरुङ स्वास्थ्य समस्याबाट ग्रसित
भएर उपचार क्रममैं मलेशियास्थित काजंग अस्पतालमा गत २०१० जनवरी २० मा निधन
भइसकेको छ ।
‘लामो समयसम्म विदेशको जेलमा रहेका घलेको
घरको आथिर्क अवस्था दयनीय छ,’दुतावासले जारी गरेको विज्ञप्तीमा उल्लेख छ ।
मलेशियाको प्रहरी प्रशासनले घलेलाई लागूऔषध सम्बन्धी नियम १९५२ को दफा ३९
अन्तर्गत मद्दा चलाएको र यसै क्रममा जालन दत्त उच्च न्यायलयले २००९
नोभेम्बर २६ मा उनलाई मृत्यूदण्ड दिने फैसला गरेको थियो ।
No comments:
Post a Comment
बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक