नेकपा–माओवादीका कार्यकर्ताले चन्दा नदिएको भन्दै राजधानीको तिनकुनेमा रहेको नेपाल डेरिभेटिभ एक्सचेञ्ज लिमिटेड (एनडेक्स) तोडफोड

नेकपा–माओवादीका कार्यकर्ताले चन्दा नदिएको भन्दै राजधानीको तिनकुनेमा रहेको नेपाल डेरिभेटिभ एक्सचेञ्ज लिमिटेड (एनडेक्स) तोडफोड गरेका छन् । तिनकुनेस्थित कर्पोरेट टावरको सातौं तलामा रहेको लिमिटेडको कार्यलयमा शुक्रबार बिहान करिव ११ बजेतिर आएका १० जनाको समूहले कार्यालय तोडफोड गरेका हुन् । माओवादीले आउदो पौष २६ गते देखि हुन लागेको महाधिवेशनको लागि एनडेक्स सँग २५ लाख रुपैयाँ चन्दा मागेको थियो । तर, कम्पनीले चन्दा नदिएपछि कार्यालय तोडफोड गरिएको प्रमुख कार्यकारी अधिकृत सन्तोष प्रधानले बताए । तोडफोड गरेर उनीहरुले कम्प्युटर, फर्निचर, ढोकाहरु लगायत भौतिक पूर्वाधारमा क्षति पु¥याएका छन् । तोडफोडबाट करिब १५ लाख बराबरको क्षति पुगेको कम्पनीले जनाएको छ । यसैबीच एनडेक्समा भएको आक्रमणको नेपाल उद्योग वाणिज्य महासंघले कडा भत्सर्ना गरेको छ । महासंघले शुक्रबारै विज्ञप्ती जारीगरी घटनाप्रति आफ्नो गम्भीर ध्यानाकर्षण भएको जनाएको हो । महासंघले यस्ता अराजक समूहलाई तत्काल पक्राउ गरी हदैसम्मको कानूनी कारवाहीका लागि नेपाल सरकार समक्ष आग्रह
गरेको छ ।
ओरिएन्टल विल्डर्सका प्रबन्ध निर्देशक सुधिर बस्नेतलाई आज प्रहरीले पक्राउ गरेको छ । सर्वसाधारणबाट करोडौं रुपैयाँ ठगी गरेको उजुरीका आधारमा नेपाल प्रहरीको अपराध अनुसन्धान महाशाखाले उनलाई काठमाडौंबाट पक्राउ गरेको महानगरीय प्रहरी परिसर हनुमान ढोकाका प्रवक्ता धीरजप्रताप सिंहले जानकारी दिए ।

नेपालका ठूला हाउजिङ ब्यावसायी मध्येका बस्नेतले ओरिएन्टल हाउजिङ, इष्टर्न अपार्टमेन्ट, कोहिनूर हाउजिङ लगायतका हाउजिङ आयोजना संचालन गर्दै आएका छन् ।

उनले घर दिने भन्दै ५ हजार भन्दा बढी सर्वसाधारणबाट रकम उठाईसकेको बताइन्छ । तर, रकम बुझाएको तीन–चार बर्ष वितिसक्दा पनि अपार्टमेन्ट उपलब्ध गराउन नसकेपछि रकम बुझाउनेहरुले प्रहरीमा ठगीको उजुरी दिएका थिए ।

अग्नी एअरको समेत संचालक रहेका बस्नेतले थुप्रै बैंकहरुबाट समेत करोडौं रकम ऋण लिएको बताइन्छ । उनलाई कर्जा सूचना केन्द्रले यसअघि नै कालो सूचिमा राखिसकेको छ ।