(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20130102

नेताहरु कुर्सिकै लागि हानाथाप गरिरहेका बेला जनता भने चिसोमा खाना, लगाउने, ओढ्ने कुराको अभाबमा दिनहुँ यसरी मरिरहेका छन !

- हरिश ढकाल
   
शीतलहरसँगैको चिसोका कारण बारा,पर्सा तथा रौतहटमा गरी मर्नेको संख्या २३ पुगेको छ । पछिल्लो समयमा रौतहटमा चिसोका कारण थप दुई जनाको मृत्यु भएपछि यो संख्या बढेको हो । मंगलबार गौर नगरपालिका ८ की ८० वर्षीया त्रिपुरादेवी झा र मुड्वला गाविस ८ की ५५ वर्षीया अधिकारी देवी पासवानको मंगलबाराति मृत्यु भएको जिल्ला प्रहरी कार्यालय रौतहटले जनाएको छ ।  केही दिनदेखिको चिसोले मध्य तराईका जिल्लाहरुमा
बढेको कठ्यांग्रिदो जाडो र शीतलहरका कारण रौतहटमा १३,पर्सामा ४ र बारामा ६ जनाको मृत्यु भएको छ । यसैगरी बारामा पनि मर्नेको संख्या ६ पुगेको जिल्ला प्रशासन कार्यालय बाराले जनाएको छ । कलैया नगरपालिका सहित जिल्लाको सबै गाविसहरुमा आगो ताप्ने ब्यवस्था मिलाइएको बाराका प्रमुख जिल्ला अधिकारी कृष्णहरि पुष्कहरले दाबी गरेपछि हालसम्म बारामा यस बर्ष चिसोका कारण ६ जनाको ज्यान गएको जिल्ला प्रहरी कार्यालय बाराको सूचना तथा संचार फाँटको अभिलेखमा उल्लेख छ । पछिल्लो पटक नरही ५ श्रीसिया टोलमा बेलुका एक बृद्धको मृत्यु भएको छ । मृत्यु हुनेमा स्थानिय ५५ बर्षिय पांचु राउत कुर्मीको ज्यान गएको हो ।

पर्सामा पनि यस बर्ष चिसोका कारण मर्नेको संख्या चार पुगेको जिल्ला प्रहरी कार्यालय पर्साले जानकारी दिएको छ । मध्य तराईको तीन जिल्ला मध्ये पर्सामा भने यस बर्ष सबैभन्दा कम चारजनाको मात्रै चिसोले ज्यान लिएको हो । पछिल्लो समयमा अलौंका जुमाद्दिन मियाँ र सोही ठाउँका बुधन गौरो थारुको मृत्यु भएपछि चिसोले मर्नेको संख्या पर्सामा चार पुगेको हो । तीन वटै जिल्लामा चिसोका कारण ज्यान गुमाउनेहरु बढी बिपन्न परिवारका सदस्यहरु रहेको पाइएको छ । केही बृद्धबृद्धा पनि रहेका छन् ।

यसैबीच बिगत दुई दिनदेखि बिहानैबाट घाम लाग्दा पर्सा सहित यस आसपासका सर्वसाधारणहरुले राहतको महसुस गरेका छन् । मंगलबार र बुधबार यस क्षेत्रमा बिहानैबाट घाम देखिएको हो । यद्यपि तराईका अन्य जिल्लामा भने अझै शीत लहरको प्रकोप देखिएको छ ।शील लहरबाट ज्यान गुमाएका परिवारका सदस्यहरुले राहत रकम सोत पाउन नसक्दा निकै समस्या भइरहेको पनि पीडितहरुले बताएका छन् । सरकारले चिसोका कारण ज्यान गुमाउनेहरुलाई अहिलेसम्म राहत दिने ब्यवस्था गरेको छैन ।

यता बुटवल वरपर बिगत ३ हप्तादेखि निरन्तर चलिरहेको बाक्लो हुस्सु र चिसो शितलहरका कारण पश्चिम नेपालका तर्राईका बिभिन्न जिल्लाको जनजिवन थप कष्टकर बन्दै गैरहेको छ । चिसोले कठ्यांग्रियर रुपन्देहीमा अहिले सम्म २ जनाको मृत्यु भएको छ भने अत्यधिक चिसोका कारण बालबालीका बृद्धबृद्धा बढि प्रभावित भएका छन । बाक्लो हुस्सु र चिसो शितलहरका कारण स्वासप्रस्वास सम्बन्धी समस्या, दम, रुघा खोकी, निमोनिया, भाईरल ज्वरो लगाएतका बिरामीहरुको संख्या यहाँका अस्पतालहरुमा ह्वात्तै बढेको चिकित्सकहरुले जनाएका छन ।
अधिकांश समय बाक्लो हुस्सु र चिसो शितलहर लाग्नाले दिउँसै बत्ती बाल्नुपर्ने अवस्था सिर्जना हुनुका साथै यहाँका राजमार्गहरुमा सवारी साधन दर्ुघटनामा पनि बृद्धी भएको छ भने हवाइ उडानहरु प्नि प्रभावित भएका छन  । भैरहवा स्थित गौतमबुद्ध बिमानस्थल कार्यालयका अनुसार बिहान साँझ भिजिबिलिटि कम हुनाले दिउँसो मात्र केही उडान हुने गरेको छ भने बिगतमा भन्दा आधा उडान कम गर्नु परेको बताईएको छ । यस्तै बाक्लो हुस्सु र चिसो शितलहरका कारण यहाँको कृषि क्षेत्रमा पनि प्रत्यक्ष असर परेको किसानहरुले बताएका छन । गहुँ, जौ, आलु, तोरी, मसुरो, अडहर लगाएतका तेलहन र दलहन बालीमा शितलहरका कारण बिभिन्न रोगहरु लाग्नुका साथै उत्पादन घट्नाले उनिहरु चिन्तित भएको कृषि बिकास कार्यालयका अधिकृतको भनाई छ ।

 

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक