(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20130913

गायक एबम सारँगी बादक तीर्थ बहादुर गन्धर्बको असामयिक निधन

काल ले लैजानुपर्नेहरु लाई लैजादैन, नलैजानु पर्ने हरुलाई खोजी खोजी छिटो छिटो लैजान्छ । फत्तेमान लाई लिएर गएको एक हप्ता पनि नबित्दै आज फेरी निस्ठुरी कालले मेरा अनन्य सहयोगी, मित्र  रेडियो नेपाल, नेपाल टेलिभिजनमा मेरा करिब दुई सय भन्दा बढी कार्यक्रमहरु मा र मेरा आफ्नै   थुप्रै गीतहरुमा पनि मलाई गीत गायन र सारँगी बादन मा साथ दिएका गायक एबम सारँगी बादक तीर्थ बहादुर गन्धर्बको असामयिक निधन भएको खबरले मन स्तब्ध भएको छ । उनले मलाई रेडियो नेपाल र नेपाल टेलिभिजन मा मात्र साथ दिएका थिएनन मेरा देश भरी भएका स्टेज शो हरुमा पनि सधैं साथ दिएका थिए । मैले आज तीर्थ बहादुर गन्धर्बको निधन भएको खबर सँगै मेरो गीत संगीत क्षेत्रको एउटा पिल्लर भाँच्चिएको दु:खद अनुभब गर्दैछु । अब नेपाल जाँदा देश ब्यापी रुपमा मैले गन्धर्ब कलाकारहरुको एउटा ठुलो जमात नै बोकेर नयाँ ढंगका साथ देश ब्यापी स्टेज शो मा निस्किने योजना बनाइरहेको थिएँ र त्यसमा तीर्थ बहादुर गन्धर्बले मलाई पूर्ण रुपमा सहयोग गर्ने, गन्धर्बहरुको नेत्रित्व गरेर मेरो कार्यक्रम लाई एतिहासिक बनाउने बचन दिएका थिए, तयारीमा जुटेका पनि थिए । तर आज उनको निधन सँगै मैले पनि उनको साथ सहयोग मात्र होइन आफ्नो साँगीतिक क्षेत्रको अभिन्न मित्रलाई गुमाएको छु । भाबी को लेखा भनौँ या बिधिको बिडम्बना तीर्थ बहादुर अब सदाका लागि हामीबाट बिदा भएका छन तर उनले बजाएका सारँगी का मिठा धुन हरु र उनका गीत हरु हामी बिच छन र उनी भौतिक रुपमा नरहे पनि साँगीतिक रुपमा हामी बिच रहिरहनेछन । उनको आत्माको चिर शान्तिको कामना गर्दै शोक सन्तप्त सपूर्ण गन्धर्ब परिवार प्रती समबेदना प्रकट गर्दछु ।     
- रामप्रसाद खनाल
  अध्यक्ष - अन्तराष्ट्रिय कलाकार मँच 
 सम्पादक - नेपालमदर डट कम 
                                                                  समस्त परिवार                
स्वर्गीय तीर्थ बहादुर गन्धर्बले मेरो एउटा पुरानो गीत जुन रेडियो नेपालमा २०५० सालमा र नेपाल टेलिभिजनमा २०५५ सालमा रेकर्ड भएको थियो त्यसमा उनले ब्याकग्राउन्डमा बजाएको सारँगीको धुन यो भिडियोमा महसुस गर्न सक्नुहुन्छ ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक