अमेरिकाको न्युुयोर्कमा रहनुुभएका नेपालका प्रधानमन्त्री सुुशिल कोइरालाको स्वास्थ्य अवस्था अचानक बिग्रिएपछि !

अमेरिकाको न्युुयोर्कमा रहनुुभएका नेपालका प्रधानमन्त्री सुुशिल कोइरालाको स्वास्थ्य अवस्था अचानक बिग्रिएपछि आइतवार न्युुयोर्कमा एनआरएन अमेरिकाले गर्ने भनेको कार्यक्रम स्थगित भएको छ । एनआरएन अमेरिकाले आइतवार न्युुयोर्कको अष्टोरियामा प्रधानमन्त्री कोइरालाको स्वागत र सम्मानमा कार्यक्रम गर्ने योजना बनाएको थियो । कार्यक्रम स्थगनबाट पर्न गएको असुविधाप्रति एनआरएन अमेरिकाले क्षमा मागेको छ । एनआरएन अमेरिकाका महासचिव कृष्ण पोखरेलले प्रधानमन्त्री कार्यक्रममा उपस्थीत हुन
नसक्ने भएपछि कार्यक्रम स्थगित गरिएको जानकारी दिनुभयो । उहाँले भन्नुुभयो -" अहिलेका लागि एनआरएनले प्रधानमन्त्रीको सम्मानमा गर्ने कार्यक्रम स्थगित भएको छ । उहाँको स्वास्थ्यमा सुधार आएपछि समय मिलेमा कार्यक्रमको अर्को मिति तय गर्नेछौं । " गएराती प्रधानमन्त्रीको स्वास्थ्य अचानक बिग्रिएपछि कार्यक्रममा सहभागी हुन नसक्ने अवस्था आएको प्रधानमन्त्रीका सहयोगी मृदुला कोइरालाले जानकारी दिनुुभयो । गएराती अचानक खोकी बढेपछि प्रधानमन्त्री कोइराला रातभर सुत्न नसकेकाले एनआरएनको कार्यक्रममा सहभागी हुन नसक्नुुभएको हो । मृदुला कोइरालाले भन्नुुभयो -"उहाँलाई पहिले पनि खोकी लागिरहेको थियो । तर गएराती अचानक खोकी बढ्यो । रातभर सुत्न सक्नुुभएन । प्रधानमन्त्रीले पनि कुनै कार्यक्रममा सहभागी हुन सक्दिन भन्नुुभयो । उहाँका नीजि चिकित्सक करविरनाथ योगीले पनि प्रधानमन्त्रीलाई कुनै कार्यक्रममा सहभागी नहुन र आराम गर्न सुुझाव दिनुुभएकाले सबै औपचारिक कार्यक्रमहरु रद्द गरिएको छ ।" -खसोखास