(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20140925

"कसैले फुटाएर नेपाल फुट्दैन। तराइदेखि हिमालसम्मका जनताले जोडेको देश हो यो। जसले देश फुटाउँछु भन्छ उसलाई प्रहरी खोरमा हाल्नुभन्दा पहिले मानसिक अस्पताल लैजानुपर्छ"

तराईका जनता उनीहरुका दास होइनन्। को हो त्यो राउत ? आफ्नो विर्ता झैैं गरेर देश फुटाउँछु भन्न पाइन्छ ? अँध्यारोमा बसेर षडयन्त्र गर्न पाइन्छ ?’ -राजकुमार लेखी, नेपाल अादिवासी जनजाति महासंघका पूर्व अध्यक्ष
  राष्टिय नागरिक पार्टी (नेपाल) का अध्यक्ष राजकुमार लेखीले मैदानमा आउन सिके राउतलाई चुनौति दिएका छन्। उनले भनेका छन्, ‘तराई सिके राउत र उसलाई पर्दा पछाडिबाट चलाउनेहरुको विर्ता होइन। तराईका जनता उनीहरुका दास होइनन्। को हो त्यो राउत? आफ्नो विर्ता झैैं गरेर देश फुटाउँछु भन्न पाइन्छ? अँध्यारोमा
बसेर षडयन्त्र गर्न पाइन्छ?’
कन्चनपुरको बेलौरी बजारमा आज आयोजित थारु कल्याणकारिणी सभाको जिल्ला भेलामा लेखीले भने, ‘सिके राउत आविष्कार गरिएको मान्छे हो। तराइलाई एक दुई प्रदेशमा सीमित गर्ने प्रयास अन्र्तगत राउतलाई अगाडि सारिएको हुनुपर्छ। यसमा कांग्रेस एमाले सहित मधेसी मठाधीश नेताहरुको पनि मिलेमतो हुनसक्छ। अहिले संविधानसभामा भयानक षडयन्त्र भइरहेको छ तराईलाई थोरै प्रदेश दिनका लागि। यही प्रयोजनका लागि सिके राउत आविष्कार गरिएको हो।’
नेपाल अादिवासी जनजाति महासंघका पूर्व अध्यक्ष समेत रहेका लेखीकाे आरोप थियो, ‘नेपालको ब्राम्हणवादी मिडियाले केही कुरा बुझ्दैन। देश फुटाउनुपर्छ भन्नेहरु र तराईदेखि हिमालसम्म एकढिका हुनुपर्छ भन्नेहरुलाई एउटै चश्माले हेर्छ। पहाडमा धेरै प्रदेश बनाउँदा मिल्ने तर तराईमा बनाउनुपर्छ भन्दा यहाँको मिडियाले देशको अर्थतन्त्रले धान्दैन भन्ने प्रचारवाजी गरिरहेको छ।’
लेखीले भने, ‘थरुहट तराईलाई जर्बजस्ती मधेस बनाइयो। मधेस बनाउन सहयोग गर्ने यिनै पहाडी ब्राम्हणवादी नेताहरु थिए। अहिले पनि यिनैले सिके राउत आविष्कार गरेर तराईका आदिवासी जनजातिलाई सिध्याउन खोजेका हुनसक्छन्।’ तराई सिके राउतहरुको होइन भन्दै उनले भने, ‘यी तिनै सिके राउत हुन् जसले विगतमा थारु जातिको कुनै अस्तित्व छैन, सबै मधेसी हुन् भनेर अभियान चलाएका थिए। यो देशमा सबैको अस्तित्व स्विकार गरिनुपर्छ, सहअस्तित्वलाई स्विकारेर यो देशमा सबै बस्नुपर्छ।’
उनले जातीय अधिकारको कुरा गर्दा साम्प्रदायिक सोचबाट निर्देशित नहुन पनि अपिल गरे। आदिवासी जनजाति सभासद ककस निर्माणको प्रसंगमा उनले भने, ‘ककस नराम्रो होइन तर पैसाको चलखेल हुन थालेपछि ककस घाडो बन्छ। कालो चिया र बिस्कुट खाएर बैठक गरौं र ककस बनाऔं भन्ने मेरो प्रस्ताव मानेनन्। पहिले पनि ककस अन्तराष्टिय शक्तिहरुको पछाडि कुदेको हो, अब चाहिँ त्यसो नहोस्।’
उनले सोधे, ‘तारे होटलहरुमा महिनौंदेखि बैठक गरेर ककस बनाइनु ठीक भएन। देशको आवश्यकताको लागि ककस बनाउने कि अन्तराष्टिय शक्तिकेन्द्रहरुका लागि बनाउने?’
‘कसैले फुटाएर नेपाल फुट्दैन। तराइदेखि हिमालसम्मका जनताले जोडेको देश हो यो। जसले देश फुटाउँछु भन्छ उसलाई प्रहरी खोरमा हाल्नुभन्दा पहिले मानसिक अस्तपताल लैजानुपर्छ’, लेखीको भनाइ थियो।
भेलामा थारु कल्याणकारिणी सभाका केन्द्रीय सल्लाहकार धनीराम चौधरी, केन्द्रीय सदस्य इन्दिरा चौधरी र पूरन राना थारु, अजब राना थारु, होरिलाल चौधरी, सुनिता चौधरी लगायतका वक्ताहरुले बोलेका थिए।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक