(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20140905

धार्मिक स्वतन्त्रता छ, अन्जु पन्तले जुन सुकै धर्म अँगाल्न पाउँछिन, तर यती सम्म नबोलेको भए उत्तम हुन्थ्यो कि अन्जु ?

कलाकारहरु, लोकप्रिय मान्छेहरुले गर्ने सानो कुरा र निर्णयले यती ठुलो तरँग आउँदो रहेछ र क्यारियर माथिनै बादल मडारिँदो रहेछ भन्ने कुरा अरु सबैले पनि मनन गर्नुपर्ने देखिन्छ यो घटनाबाट पाठ सिकेर । क्षमादान भन्दा ठुलो दान केही पनि हुँदैन । अन्जुले क्षमा मागिसकेकी छिन अब उनलाई क्षमा दिनुपर्छ भन्छ नेपाल मदर डट कम ।
 यसरी बने म क्रिश्चियन गायिका अञ्जु पन्त

एउटा समय थियो मेरो पारिवारिक तनावले गर्दा म कतै जान सकेकी थिइन । काठमाडौमा एक्लै टोलाउँथे । एकदिन काठमाडौ बाहिर गएपछि बहिनी फ्रेस हुन्छिन् कि भनेर दाजु र साथीहरुले मलाई विरगन्ज
पुरयाउनु भयो । त्यहाँ हाम्रो सानो बुवाको परिवार थियो । शुक्रबार पुगेका थियौ, शनिवार त्यहाँको एउटा ठुलो हलमा हामी सवैजना बस्यौ । एक, दुई चार गरि अडियन्सहरु बढ्न थाले । मलाई सवैले चिन्थे तर म कसैलाई पनि नचिन्ने ।  सानोबुबाले मलाई सल दिएर घुम्टी लगाउ भन्नुभयो ।  मैले त्यसै गरे । पछि थाहा भयो मेरो सानोबुबा क्रिश्चित धर्मको पाष्टर र सानीआमा पास्टरर्नी हुनुहुदो रहेछ । पास्टर सानोबाले मलाई छोएर ‘हे प्रमु तपाईले बनाउनु भएको सुनको शिष्यलाई कसैलेपनि तहसनसह पार्न नसकोस्’ भन्नु भयो । यो शब्द सुनेपछि भक्कानो फुटेर आयो । जिन्दगीमा धेरै रोएँ, तर त्यस्तो त म कहिले पनि रोएकी थिइनँ ।  
बेलुकी भजन कीर्तनको कार्यक्रम थियो । मेरो आवाज खुलेकै थिएन । तर भजन कितावबाट मलाई आठ नम्बरको भजन गाउन लगाइयो । ‘महान ईश्वर गर्छु म प्रशंसा तपाईको’ भजन मैले गाउनु पर्ने भयो । हाइरेन्जमा थियो त्यो भजन । भजन गाएको त बेलुका सललल मेरो आवाज खुल्यो । म रोएँ, उफ्रेर नाच्न थाले, यता कुँदे उता दगुरे । दाइहरुपनि रुनु भयो । त्यसपछि पास्तर बुवा राजकुमार घिमिरे र पास्टरर्नी आमा कमला घिमिरेले मलाई ग्रहण गरिदिनु भयो । त्यसपछि बाइवल पढ्न थाले, प्रभावित भएर क्रिश्चित बने ।
 - Source sagarmathapost


सारा संसारलाई जोड्ने एउटै माला हो संगीत । संगीतमा ‘नो पोलिटिक्स’, ‘नो रिलिजन’ भन्ने नारा नै हुन्छ । तर, गायिका अञ्जु पन्तले भने संगीतको यो मान्यतालाई लतारेकी छिन् । गीतकार सहदेव कोइरालाको रचनामा रहेको गीत हिन्दुवादी भएको भन्दै उनले गाउनै मानिन् ।
मालश्री रेकर्डिङ स्टुडियोमा गीत गाउन पुगिसकेकी उनी गीतको बोल सुनेपछि नगाउने भन्दै फर्किन् । अखिर किन गाइनन् त अञ्जु पन्तले उनको गीत । गीतकार कोइरालाका अनुसार अञ्जु क्रिश्चियन भएको हुनाले आफ्नो गीत अस्वीकार गरेकी हुन् ।
कोइरालाको शब्द तथा संगीतमा समावेश ‘दुर्गा माताको आर्शिवादले’ बोलको गीतमा अञ्जुले आपत्ती जनाएकी हुन् । उनले आफू क्रिश्चियन भएको र यस्तो शब्द उच्चारण गर्न नसक्ने बताएकी थिइन् । गीतकार कोइरालाले भने-’मैले तपाई व्यवसायीक कलाकार हो । धर्म मान्नुहोस् पो हामीले भन्न सक्दैनौ । तर गीत त एक कलाकारले गाउन के हुन्छ भने, तर उहाँले मान्नुभएन ।’
अब यो गीत देवी घर्तीमगरको आवाजमा रेकडिङ हुँदैछ ।

अन्जुपन्तले गाउन नमाउने दशैंको शुभकामनाका गित यस्तो छ

सुख र शान्ति रहोस् जीवनमा ओठमा हाँसो छाओस्
दुर्गामाताको आशिर्वादले सोचे झैँ पुग्दै जाओस्।

पुकार्दै मनले नवदुर्गालाई गर्दै मनले कामना
यो दसैंको सबै सबैलाई छ शुभकामना।


No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक