होस गर ढिलो चाँडो हेग पुग्ने तिमी भाछौ !

- रामप्रसाद खनाल

उनले मान्छे खसी काटे जस्तै काटे पनि हुने !

रगत र गोली सँग कुर्सी साटे पनि हुने ! 

जती अपराध गरे पनि को आउँछ ?? उनलाई छुने ?

नाटक गर्न माहिर कती कहिले हाँस्ने कहिले रुने !

जन्मिएनन कोइ उनको अपराधी मन धुने

सबै पिछलग्गु देख्छु उनकै पछी फेरो छुने !

परदेशिएका स्वदेशी मन चिच्च्याएर के नै हुने ??

देश जल्दा पानी हाल्ने देखिएनन कुनै रुने !

मात्र लडाईं प्रधानमन्त्री र मन्त्री को को हुने !

कती धम्की दिन सक्छौ कती दु:ख दिन्छौ तिमी

सोझा साझा जनतासँग के को बदला लिन्छौ तिमी ??

पियौ रगत हजारौंको अझै कत्ती सुध्रिएनौ

हेग पनि पुग्न सक्छु भनी किन उघ्रिएनौ ??

संबिधान र शान्ती जती सबै तिम्रै पेवा भयो !

कस्तो शान्त देश अहिले हेर्दा हेर्दै कस्तो भयो ??

के का लागि समानान्तर सरकार अनी लाठी सेना ??

हेर्दै जाउ काल बन्छन एकदिन तिम्रै सेना मेना !

हिम्मत हारा भए अरु फाईदा तिमी लिँदै गाछौ !

होस गर ढिलो चाँडो हेग पुग्ने तिमी भाछौ !