बोकाको घिउ, घोँडाको फुल र रेलको चक्कामा हावा !!!

- रामप्रसाद खनाल

एउटा धुर्मुसे अाजकल 

 बैतडी ज्वाँई नारायण बनेर 
सोझा साझा गाउँलेहरुलाई
कहिले बोकाको घिउ प्याक गर्ने
गोरखपुरको कम्पनीमा
काम लगाइदिन्छु भन्छ !
कहिले गाउँलेहरुलाई फकाउँदै
घोंडाको फुल टिप्ने काममा
लगाइदिन्छु भन्छ !
त्यती मात्र हो र ??!!
ठग धुर्मुसे रुप फेरी फेरी आउँछ
सोझासाझा जनतालाई सताउनु सताउँछ !
हुँदा हुँदा उसले भन्छ
गोरखपुरमा काम लगाइदिन्छु
रेलको चक्कामा हावा हाल्ने काम !
बिचरा सोझा साझा जनता
छेपारे धुर्मुसेको
यस्तो कुरा पनि पत्याउँछन, दंग हुन्छन !
कमिशन ख्वाउन तयार हुन्छन !
बोकाको घिउ,
घोंडाको फुल
र रेलको चक्कामा हावा !!!
उसलाई नै विश्वाश गर्छन् !!!
मेरो देशका दाजुभाइ दिदिबहिनी !
एकातिर उसलाई हेर्छु अनी
अर्कोतिर छबिलाल र मुस्ताङेहरु हेर्छु
छबिलाल र मुस्ताङे ज्वाँई नारायण पनि 

धुर्मुसे ले जस्तै
नयाँ नेपाल र कुन्नी के के तन्त्रका नाममा
सोझा साझा जनताको नाममा
बर्सौं देखी कुटेर, लुटेर, मारेर खाएकै छन
उनिहरुपनी ज्वाँई नारायण हुन पाएकै छन !
उनिहरुले पनि
सोझा जनतालाई
बोकाको घिउ प्याक गर्न लाएकै छन
घोंडाको फुल टिप्न तयार जनता ??!!
रेलको चक्कामा हावा भरेकै छन !
यसो हेर्छु पराया भुमीबाट
मेरी बास्सैको धुर्मुसले
यसै गरेर हाँस्य जगत खाएकै छ !
मेरो देशका महान नेता
छबिलाल र मुस्ताङे ज्वाँई नारायणहरुले
बोकाका घिउ बनाउने फेक्ट्री खोल्न पाएकै छ ??
अझ कती घोँडाका फुल टिप्न लगाउने हुन ??
कतिलाई गोरखपुरमा लगेर
रेलको चक्कामा हावा हाल्न लगाउने हुन !?
धनी गरीब सब बराबर !
धनीको सम्पत्ती खोसेर गरीबलाई बाड्ने रे !
एक महिनामा दश लाख जनसेना बनाउने रे !
देशै भरी समानान्तर सरकार चलाऊने रे !
सडक बाटै संबिधान र शान्ती फलाउने रे !
हुन्न भन्ने सबलाई जलाउने रे !
सामन्ती सत्ता गलाउने रे !
यिनी सपना र
धुर्मुसेका बोकाका घिउ फेक्ट्री
घोँडाका फुल टिप्ने जागीर
रेलको चक्कामा हावा हाल्ने जागीर
मलाई उस्तै उस्तै लाग्यो
पत्याउनेले पत्याइदिए पछी
म मुला बबुरोको के अर्थ !
म बबुरो वाल्ल परेर लाटाले केरा हेर्या जस्तो
उल्लु चराले आँखा हेर्या जस्तो
हेरिरहेको छु !!!
लामो लामो श्वास फेरिरहेको छु !
for dhurmuse's Meri Bassai click this link
https://www.youtube.com/watch?v=OpfcoBm8tvc
**************************************************

मर्दा पर्दा सँगै बसेर रुनै पर्छ ! 
- रामप्रसाद खनाल

सुखमा सँगै हाँस्ने
दु:खमा सँगै रुने 
बिहेमा जन्ती जाने
मर्दा मलामी जाने
बिरामी पर्दा अस्पताल
सँग सँगै धाउने
नेपाल र नेपाली भन्दा
गर्ब गर्न आउने
मलाई यस्तो समाज चाहिएको छ !
न मलाई बाउन भएको घमण्ड छ
न त कुनै पश्चाताप नै !
म चुच्चे, पल्लाघरे थेप्चे
चौपारीका छेत्री बा
तल्लाघरे मगर दाई
पारिका गुरुङ दाइभाइ
आरन चलाऊने लोहार दाई
कपडा सिलाउने दर्जी दाई
माटोको भाँडा बनाउने कुमाल कान्छा
अनेकौँ जात जातीको एउटै थलो
हामी मिलेरै बसेका थियौं पहिले पनि,
मिलेरै बसेका छौं अहिले पनि
खबरदार हामीलाई बिथोल्न न आउ
जात जातीका अनेक थरी ट्याग नलगाउ
मलाई सबै सबै चाहिन्छ
अमेरिकामा बसेर पनि नसुध्रिने
ए महाशयहरु हरुहो !
कृपया मेरो समाजलाई
तिम्रो कोठे राजनीतिको
दुर्घन्धित थलो नबनाउ
म जे छु ठिकै छु
जहाँ छु ठिकै छु
बिथोल्न न आउ
बन्द गर श्रध्दान्जली सभामा
तिम्रा राजनीतिक भासणहरु
बन्द गर यो र त्यो भनेर छुट्याउन
नेपाल र नेपाली मात्र भन
सक्नेछौं सबै खुट्याउन
उता त सुध्रिएनन सुध्रिएनन !
शान्ती र संबिधानका ढोका पनि उघ्रिएनन
तर यता बन्द गर बिभेदको राजनीति
छोडिदेउ कोठे फोहोरी राजनीति
आखिर तिमीलाई पर्दा म
मलाई पर्दा तिमीहरु सँगसँगै हुनै पर्छ
सुखै सुख हुन्न जिबन दु:ख पर्दा रुनै पर्छ !
म पनि एक दिन मरेरै जाने हो
तिमी पनि एक दिन मरेरै जाने हो
सोँच त जाँदा केनै लाने हो ??
मात्र कुरा ढिलो र चाँडो हो
अजम्बरी कोही छैन यहाँ
जिबन शिशा झै फुट्ने भाँडो हो !
मर्दा पर्दा सँगै बसेर रुनै पर्छ
तिमी मेरो म तिम्रो हुनै पर्छ !