(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20150202

नेपालस्थित युरोपेली संघ आवद्ध देशका राजदूतहरुले प्रधानमन्त्री सुशील कोइरालालाई भेटेर संविधान निर्माण प्रक्रियामा समर्थन जनाए

एकीकृत माओवादीले आफूलाई नसच्याउने हो भने आगामी निर्वाचनमा दुई/चार सीटमा सीमित हुनुपर्ने   -- एमाले अध्यक्ष केपी ओली
एमाओवादीलगायतका दलको संविधानसभा बहिस्कार गर्ने धम्कीले  नडराउने - उपप्रधान एवं गृहमन्त्री बामदेव गौतम
सहमतिको नाममा संविधान निर्माणको प्रक्रिया रोक्न नसकिने - एमाले उपाध्यक्ष भीम रावल

नेपालस्थित युरोपेली संघ आवद्ध देशका राजदूतहरुले प्रधानमन्त्री सुशील कोइरालालाई भेटेर संविधान निर्माण प्रक्रियामा समर्थन जनाएका छन् । प्रधानमन्त्री निवास बालुवाटारमै पुगेर सोमबार राजदूतहरुले प्रधानमन्त्री कोइरालालाई संविधान निर्माणको काम छिटो सम्पन्न गरी देशलाई स्थिरता प्रदान गर्न आग्रह गरेका हुन् । भेटमा युरोपेली संघका राजदूत रेन्से टिरिङ्कले आफूहरुले सीके राउतसँग भेटेको विषयलाई शंकाको दृष्टिले नहेर्न समेत आग्रह गरेकी थिइन् । भेटपछि सन्चारकर्मीहरुसँग कुरा गर्दै टिरिङ्कले नेपालमा जारी संविधान निर्माण प्रक्रियाप्रति समर्थन जनाउँदै संविधानसभाबाट बन्ने संविधानमा आफूहरुको समर्थन रहने सन्देश प्रधानमन्त्री कोइरालालाई दिएको जानकारी दिइन् । प्रधानमन्त्रीका परराष्ट्र सल्लाहकार डा. दिनेश भट्टराईले प्रधानमन्त्री कोइरालाले संविधान निर्माण गरी शान्त, स्थिर र लोकतान्त्रिक मुलुकको रुपमा नेपाललाई परिणत गर्न युरोपेली राष्ट्रको सहयोग आवश्यक भएको बताएको जानकारी दिए । प्रधानमन्त्री कोइरालाले देशको
अवस्था हेरेर नै आफ्नो ध्यान संविधानमै केन्द्रित गरेको भन्दै संविधान निर्माण प्रक्रियामा साथ दिन युरोपेली राजदूतहरुलाई आग्रह गरेको भट्टराईले जानकारी दिए ।
 एमालेका अध्यक्ष केपी ओलीले एकीकृत माओवादीले आफूलाई नसच्याउने हो भने आगामी निर्वाचनमा दुई/चार सीटमा सीमित हुनुपर्ने बताएका छन् । राष्ट्रिय जनसांस्कृतिक महासंघको राष्ट्रिय परिषद बैठकको सोमबार पोखरामा उद्घाटन गर्दै उनले जंगल पस्ने र आन्दोलनको धम्की दिन छाडेर संविधान निर्माणमा लाग्न आग्रह गरे । ‘अझैपनि बन्द र हडतालमै जान्छु भन्ने हो त्यसको फैसला पनि जनताले गर्ने’ ओलीको भनाइ थियो । उनले ‘देशलाई विखन्डन गर्ने र नेपाली समाजलाई विभाजन गर्ने तत्वदेखि सचेत रहनुपर्ने’मा पनि जोड दिए ।
एमालेका उपाध्यक्ष भीम रावलले सहमतिको नाममा संविधान निर्माणको प्रक्रिया रोक्न नसकिने प्रष्ट गरेका छन् । सहमतिको नाममा एकीकृत माओवादीले अड्को थापेको भन्दै उनले कुनैपनि हालतमा प्रक्रिया रोकेर सहमतिमा जान नसकिने बताए । राजधानीमा सोमबार गरिएको एक कार्यक्रममा उनले संविधान लेखनका लागि प्रश्नावली समिति बनाएर प्रक्रियाले गति लिइसकेकाले पछि नहट्ने अडान राखे । संविधान लेख्न छाडेर आन्दोलनमा नलागी वार्ताको टेबलमा फर्कन रावलले विपक्षी दलहरुलाई आग्रह गरे । कार्यक्रममा विपक्षी दलका नेताहरुले भने सत्तापक्षले पेल्न खोजेकाले आन्दोलनमा जानु बाध्यता भएको टिप्पणी गरेका थिए ।

उपप्रधान एवं गृहमन्त्री बामदेव गौतमले एमाओवादीलगायतका दलको संविधानसभा बहिस्कार गर्ने धम्कीले संविधानसभाका सदस्यहरु नडराउने बताएका छन् । पहिलो संविधानसभामा कांग्रेस–एमालेको बहुमत नहुँदा र ठूलो पार्टीले गल्ती गर्दा संविधान नबनेको भन्दै उनले यसपटक पनि ठूला पार्टीलाई संविधान जारी गर्न नदिन खेलिएको खेल सफल हुन नदिने दाबी गरे । बर्दियामा कृषि विकास कार्यालयको कृषि औजार हस्तान्तरण कार्यक्रममा सोमबार गृहमन्त्री गौतमले संविधानसभा सदस्यहरुको महत्वपूर्ण कार्य संविधान जारी गर्नु रहेकाले संविधान जारी गर्न आफूहरु प्रतिबद्ध रहेको बताए ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक