(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20150726

पार्टीलाई रुपान्तरण नगरी यथास्थितिमा राखे केही वर्षपछि एमाओवादी पार्टीको अस्तित्व नै नरहने प्रचण्डले दावी गरे

एकीकृत नेकपा माओवादीका अध्यक्ष पुष्पकमल दाहाल प्रचण्डले आफ्नो पार्टी सिद्धिएको बताएका छन् । गुट, उपगुटका कारण आफ्नो पार्टी समाप्त भएको उनले स्वीकार गरे । कम्युनिस्ट पार्टीका संस्थापक नेता नरबहादुर श्रेष्ठको द्वितिय स्मृति दिवसका अवसरमा पार्टी कार्यालय पेरिसडाँडामा आयोजित कार्यक्रममा बोल्दै प्रचण्डले आफ्नो दुखेसा पोखेका हुन् । अध्यक्ष प्रचण्डले पार्टी गुटै गुट र गुटभित्रको उपगुटको समस्याले थलिएको
दोहोर्याए । पार्टी संगठन, सक्रियता, पद्धति र शैलीका कारण निकै संकटमा परेको उनले बताए । पार्टी रुपान्तरणका लागि आफू तयार भए पनि केही नेता रुपान्तरण हुन नचाहँदा पार्टीले गति लिन नसकेको दावी उनले गरे । रुपान्तरण हुन नचाहने नेता को हो भनेर प्रचण्डले किटान नगरे पनि उनको भनाइ दुई नेता बाबुराम भट्टराई र नारायणकाजी श्रेष्ठप्रति लक्षित थियो । अब पार्टीलाई रुपान्तर, पुनःगठन गरेर आगामी आन्दोलनको नेतृत्व लिनुपर्ने धारणा उनले व्यक्त गरे । पार्टीलाई रुपान्तरण नगरी यथास्थितिमा राखे केही वर्षपछि एमाओवादी पार्टीको अस्तित्व नै नरहने दावी प्रचण्डले गरे ।

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक