(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20160523

अन्तर्राष्ट्रिय नेपाली साहित्य समाजले अमेरिकाको लसएञ्जलसमा आयोजना गरेको "प्रथम अनेसास च्याप्टर सम्मेलन" सम्पन्न

- अन्तर्राष्ट्रिय नेपाली साहित्य समाजको प्रेस बिज्ञप्ती जस्ताको तस्तै 
अन्तर्राष्ट्रिय नेपाली साहित्य समाजले अमेरिकाको लसएञ्जलसमा आयोजना गरेको "प्रथम अनेसास च्याप्टर सम्मेलन" सम्पन्न भएको छ |अनेसासको २५ बर्षे इतिहासमा प्रथम पटक २० मे शुक्रबारदेखि २२ आइतबारसम्म चलेको सम्मेलनमा अमेरिकाका बिभिन्न राज्यमा रहेका अनेसास च्याप्टरका प्रतिनिधिहरूको साथै विश्वका बिभिन्न
देशमा रहेका च्याप्टरका प्रतिनिधिहरूको सहभागिता रहेको थियो |
कार्यक्रमको पहिलो दिन स्वागत तथा अनेसासका गतिविधिबारे छलफल गर्नुका साथै स्थानीय संघ सस्थाका प्रतिनिधिहरूको सहभागीतामा रात्रीभोजको आयोजना गरिएको थियो |
दोश्रो दिनको उद्घाटन सत्र अनेसासका सल्लाहकार डा खगेन्द्रप्रसाद लुइटेलको प्रमुख आतिथ्यमा तथा अनेसासका अध्यक्ष पदम विश्वकर्माको सभापतित्वमा सम्पन्न भएको थियो |
कार्यक्रममा साहित्यकार कृष्ण धरावासी, अनेसास पुर्व अध्यक्ष मोहन सिटौला, ऋषि ढकाल, डा. शम्भु ढुंगाना, डा. जीत जोशी , गोवर्धन पूजा , प्रकाश नेपाल , दिल श्रेष्ठ, भक्त थापा, शान्तिराम ढकाल, मुकुन्द ढुंगानालगायतले मन्तव्य व्यक्त गरे भने अनेसास बोर्ड अफ ट्रष्टीका अध्यक्ष श्याम कार्की र एएनएका अध्यक्ष रजर अधिकारीको शुभकामना सन्देश वाचन गरिएको थियो |
कार्यक्रममा गत दुई वर्षभरिमा उत्कृष्ट कार्य गरे वापत अनेसास नेपाल च्याप्टरलाई नगद अमेरिकी डलर पाँचसय सहित स्थापित " अनेसास राम लामा पुरस्कार" प्रदान गरिएको थियो | पुरस्कारको निरन्तरताका लागि प्रत्येक दुईदुई वर्षमा प्रदान गरिने सम्झौता पत्रमा सस्थापनको तर्फबाट राम लामा र अनेसासका तर्फबाट पदम विश्वकर्माले हस्ताक्षर गर्नु भएको थियो ।
कार्यक्रममा कवि गुणराज लुइटेलको जलेको मन (कविता संग्रह), कथाकार नीशा अर्यालको अनगिन्ति चोटहरू ( कथा संग्रह) र राष्ट्रनिर्माता र राजनीति ( लेख संग्रह) बिमोचन गरिएको थियो |
उदघाटन कार्यक्रम पश्चात उक्त दिनको दोश्रो सत्रमा अनेसासका बिभिन्न च्याप्टरका प्रतिनिधिले आ आफ्नो च्याप्टरको गतिबिधि प्रस्तुत गरेका थिए | जसमा न्युयोर्कबाट राजेन्द्र श्रेष्ठ, अष्ट्रेलियाबाट गणेश घिमिरे, डाल्लासबाट विजय भट्टराई, कोलोराडोबाट कपिल सुबेदी, बोस्टनबाट लालगोपाल सुबेदी, फ्लोरिडाबाट मीना शाक्य , न्युह्याम्प्श्यारबाट कृष्ण गिरी, अष्टिनबाट मोहन सिटौला, पोर्चुगलबाट वाईबि गुरुङ, कतारबाट तीर्थसंगम राई, लसएन्जलसबाट शान्तिराम ढकाल, लसभेगसबाट कृष्ण कुसुम लगायतको प्रस्तुति रहेको थियो |
कार्यक्रमको तेश्रो सत्र मोहन सिटौलाको सभापतित्वमा विश्व काव्य गोष्ठी सम्पन भएको थियो | जसमा तीनदर्जन भन्दा बढी कविहरुको सिर्जना वाचन गरिएको थियो |
कार्यक्रमको तेश्रो दिनको पहिलो सत्रमा दीपक सिम्खडाले "च्याप्टरहरूको सस्थागत बिकास , व्यबस्थापन", डाक्टर जीत जोशीले "च्याप्टरहरूको क्षमता अभिवृदी", मोहन सिटौलाले "च्याप्टरहरूको न्युनतम कार्यक्रमहरू", डा. खगेन्द्रप्रसाद लुइटेलले " नेपाली साहित्यको विकासमा अनेसास च्याप्टरहरूको भूमिका", र पदम विश्वकर्माले " च्याप्टरहरूको सस्थागत विकास, कार्यक्रम, च्याप्टर संचालन प्रविधि" विषयक कार्यपत्र प्रस्तुत गर्नु भएको थियो |
सम्मेलनको तेश्रो दिन अनेसास लसएञ्जलस घोषणा पत्र जारी गर्दै आगामी सम्मेलन टेक्सासको डाल्लासमा आयोजना गर्ने घोषणा गरिएको थियो भने समापनमा संस्कृतिक कार्यक्रमको आयोजना गरिएको थियो |

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक