(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20160606

अन्तर्राष्ट्रिय नेपाली साहित्य समाज (अनेसास) को रजत जयन्ती समाराेह जुन ४ र ५ मा भर्जिनियामा यसरी सम्पन्न भयो


अन्तर्राष्ट्रिय नेपाली साहित्य समाजकाे रजत जयन्ती समाराेह भव्य रुपमा सम्पन्न भयाे । अमेरिकाका विभिन्न राज्यका च्याप्टरहरू तथा अस्ट्रेलिया जापान नेपालका प्रतिनिधिहरूले अनेसासले अब युवा अवस्था प्राप्त गरिसकेकाले दीर्घकालीन र दूरदर्शी याेजनाहरूका साथ कार्यारम्भ गर्नुपर्ने सुझाव दिनुभयाे । हाल असी च्याप्टर भइसकेकाे अनेसासले सबै च्याप्टरसित निरन्तर समन्वय र मार्गदर्शन गर्नका लागि अहिलेकाे सञ्चारका माध्यमकाे
उच्चतम प्रयोग गरी २४ घन्टा हेल्पलाइन सुविधा सुरु गर्न सहभागीहरूले सुझाव दिनुभयो ।
अनेसासका अध्यक्ष पदम विश्वकर्माले अनेसास अब रेडियोकार्यक्रमका साथ विश्वभर छरिएका नेपाली समुदायमाझ पुगेकाे र सबै च्याप्टरहरूसित निरन्तर समन्वय गर्ने व्यवस्था भएकाे बताउनुभयाे ।
अनेसास बोर्ड अफ ट्रस्टीजका अध्यक्ष डा श्याम कार्कीले अनेसासका लागि सन् २०१७ अर्को एेतिहासिक वर्ष हुने र त्याे भनेको अागामी वर्ष अनेसासको निजी भवन निर्माण गर्न अब सबै लाग्न अाफूले योजना बनाइसकेकाे बताउँदै यसका लागि अनेसाससम्बद्ध सबैबाट सगर्व सहयाेग गर्न अाह्वान गर्नुभयो ।
अनेसासका पिता भनेर चिनिनुहुने स‌ंस्थापक अध्यक्ष हाेमनाथ सुवेदी समाराेहमा सम्मानित हुनुभयाे । संस्थापक अध्यक्ष सुवेदीले अाफूले पाएकाे सम्मान अनेसासका लागि विगत २५ वर्षदेखि निरन्तर सहयोग र योगदान दिने सबै साहित्यकार र साहित्यप्रेमीको सम्मान भएकाे र अाफूले त्यसको प्रतिनिधित्वमात्र गरेकाे बताउनुभयो ।
प्रवासमा रहेका नेपालीले नेपाल देश नेपाली भाषा र नेपाली संस्कृतिका लागि गरेकाे भाैतिक मानसिक र समयकाे लगानीबाट अाफू साह्रै प्रभावित भएकाे बताउँदै नेपालका महामहिम राजदूत डा अर्जुन कार्कीले यो लगानीले प्रवासमा रहेका नयाँ पुस्ताका लागि नेपाली पुर्खाको पहिचान हस्तान्तरण हुने उल्लेख गर्नुभयो ।
अनेसासको इतिहास, रजतजयन्ती स्मारिका तथा अनेसासकाे पहिलाे महिला सम्मेलन स्मारिका विमाेचन गरियाे । अनेसासकाे विकासमा योगदान पुर्याउनुहुने व्यक्तित्वहरूकाे सम्मान, अनेसासका भावी दिशाबारे सहभागीहरूबाट सझावसहितका विचारगाेष्ठी तथा कवितावाचन कार्यक्रमका साथ रजतजयन्तीकाे एेतिहासिक समाराेह अाज भर्जिनिया मनाससमा समापन भयाे ।
तस्बीरहरु आफै यसरी समाचार बोल्छन: 































































 

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक