(संसारका १७५ देशमा पढिने, फोहोरी राजनीतिबाट पुरै अलग, संसारभर छरिएर रहेका नेपालीहरुको साझा, स्वतन्त्र, अनलाइन पत्रिका www.NepalMother.com, एउटा क्लिकमा सबैथोक)

20170905

उत्तरी भारतीय राज्य उत्तर प्रदेशको सरकारी अस्पतालामा एक महिनामा ४९ बालबालिकाको मृत्यु

 children deathउत्तरी भारतीय राज्य उत्तर प्रदेशको सरकारी अस्पतालामा ४९ बालबालिकाको मृत्यु भएको छ ।  एक महिनाको समयावधीको यो घटना अक्सिजन र औषधीको कमीबाट भएको सरकारी अधिकारीले सोमबार जानकारी दिएका छन ।  अक्सिजन र औषधीको कमीबाट उत्तर प्रदेशको फारुक्खाबाद जिल्लामा रहेको राम मनोहर लोहिया राजकिया चिकित्सालय (अस्पताल) मा
रहेका बालबालिकाको मृत्यु भएको बताइएको छ । अस्पतालको नवजात शिशु विशेष हेरचार एकाइमा ३० बालबालिकाको मृत्यु भएको छ भने, अन्य १९ जनाको डेलिभरीको अवस्थामा अर्थात डेलिभरी भएको केही समयपछि नै मृत्यु भएको बताइएको छ । उत्तर प्रदेश केही समययता सरकारी अस्पतालमा नवजात शिशुको मृत्यु हुने क्रम बढ्दै गएको पाइन्छ । गत हप्ता ४८ घण्टाको अवधिमा गोरखपुरमा रहेको बाबा राघभ दास मेडिकल कलेजमा ४२ बालबालिकाको मृत्यु भएको सरकारी अधिकारीहरूले जानकारी दिएका थिए ।

मृत्यु भएका ४२ मध्ये सात जनालाई इन्सेफ्लाटिस र बाँकी अन्यलाई बालबालिकासम्बन्धी रोगका कारण मृत्यु भएको मेडिकल कलेजका प्रचार्य डा पी के सिंहले सञ्चार मध्यमहरूसँग भन्नु भएको थियो । 

गत महिनाको सुरुमा सोही अस्पतालमा अक्सिजनको कमीलगायत बिभिन्न कारण ७० जना भन्दा बढीको नवजात शिशुको मृत्यु भएको थियो । 

प्रदेशकै सबैभन्दा ठूलो सो अस्पतालमा पुगेर मुख्यमन्त्री योगी आदित्यले विहारको आफ्नो निर्वाचन क्षेत्रका, उत्तर प्रदेशको अन्य छिमेकी जिल्ला र नेपालका समेत गरी सयौं विरामीलाई भेट्नु भएको थियो । 

‘नेपाल, विहार र उत्तर प्रदेशको धेरै ठाउँमा भीषण वर्षा भएकाले अवस्था अझ नराम्रो हुन सक्छ, दैनिक धेरैभन्दा धेरै बालबालिका अस्पतालमा ल्याइएको छ’ एक जना चिकित्सकले भने । रासस/सिन्ह्वा 

No comments:

Post a Comment

बेनाममा अरुलाई गाली गलौज गर्दै जथाभाबी कमेन्ट लेख्नेहरु लाई यो साईटमा स्थान छैन तर सभ्य भाषाका रचनात्मक कमेन्ट सुझाब सल्लाह लाई भने हार्दिक स्वागत छ । तल Anonymous मा क्लिक गर्नुश अनी आफ्नो सहि नाम र सहि ईमेल सहित ईंग्लिश वा नेपाली मा कमेन्ट लेखी पठाउनुश, अरु वेबसाईट र यस् मा फरक छ बुझी दिनुहोला धन्यवाद । address for send news/views/Article/comments : Email - info@nepalmother.com - सम्पादक