शतिले श्राप गरेको देशमा : सर्बहारा नेताहरु सामान्य पेट दुख्दा श्रीमती जचाउन सिङापुर जान्छन, कोही जापान गएर राज्यको ६० लाख कुर्लुम्म खान्छन, कोही अमेरिका धाउँछन्, कोही एयर एम्बुलेन्स मगाएर थाइल्यान्ड पुग्छन तर यि सामन्ती, पञ्चे, निरँकुश, दमनकारी आदी उपनाम पाएका पूर्व प्रधानमन्त्री मरिचमान सिंह श्रेष्ठ औषधी किन्न नसक्ने भएर मृत्‍यु को दिन कुर्दैछन, यमराजलाई छिटो डाक्दैछन !

प्रधानमन्त्री भएर नेपाल हाँकेका मान्छे । उनको कार्यकालमा न उनी भारत सँग झुके न त चाइना सँग चुके । न त अहिलेका सर्बहारा नेताले  जस्तो करोडौँ को महल बनाएर बसे, न त उनी कुनै एक रुपैयाँको भ्रस्टाचार मा सँलग्न भए । चुरोट तान्ने तर अरु कुनै नाजायज काम नगरेका यि मनुवा मरिचमान सिंह श्रेष्ठ शतिले श्राप गरेको देशको इमान्दार प्रधानमन्त्री भएकै कारणले होला फोक्सोको क्यान्सर ले ग्रस्थ भएर मृत्‍यु शैयामा छटपटाइरहँदा पनि न कसैले उनलाई हेरेको छ न त उनी प्रधानमन्त्री भएर चलाएको देशको बर्तमान सरकार ले । सर्बहारा नेताहरु सामान्य पेट दुख्दा श्रीमती जचाउन सिङापुर जान्छन, कोही जापान गएर राज्यको ६० लाख कुर्लुम्म खान्छन, कोही अमेरिका धाउँछन्, कोही एयर एम्बुलेन्स मगाएर थाइल्यान्ड पुग्छन तर यि सामन्ती, पञ्चे, निरँकुश, दमनकारी आदी उपनाम पाएका पूर्व प्रधानमन्त्री औषधी किन्न नसक्ने भएर मृत्‍यु को दिन कुर्दै छन । यमराजलाई छिटो डाक्दैछन । जिबनको अन्तिम घडीमा आइपुग्दा समेत कहिलै कसै सँग नझुकेका, कहिलै कसैको सहयोग  स्विकार नगरेका यि मनुवा अहिले पनि म मर्न तयार छु तर कसैलाई गुहार्न तयार छैन भन्दैछन । तर बिबस भएर उनका छोराले बाबुलाई बचाउनँ  सक्छुकी भन्दै सहयोगको याचना गरेका छन ।   पूर्वप्रधानमन्त्री मरिचमानसिंह श्रेष्ठको उपचारमा खर्च अभाव भएको छ । भारतको मेदान्त अस्पतालमा फेक्सोको क्यान्सरको उपचार गराइरहेका श्रेष्ठका छोराले बावुको
उपचारमा खर्च नपुगेको भन्दै सहयोग गर्न आग्रह गरेका छन् । पूर्वप्रधानमन्त्री श्रेष्ठका छोरा अनिलले विहीबार एक विज्ञप्ती जारी गर्दै श्रेष्ठको अवस्था चिन्ताजनक रहेको र खर्च अभाव भएको जनाएका हुन् । उनले विज्ञप्तीमा सरकारले पूर्वप्रधानमन्त्री जस्तो मान्छेको उपचारमा बेवास्ता गरेको जनाएका छन् । उनले पैसा नभएर अन्तिम अवस्थामा पनि उपचार नपाउनु दुर्भाग्य भएको बताएका छन् । उनले विज्ञप्तीमा आफ्ना बुवाको उपचारका लागि सहयोग गर्न आग्रह गरेका छन् ।